Who collect and sell out Guyana?
Mar 25, 2018 , https://www.kaieteurnewsonline...and-sell-out-guyana/
Anybody know de difference between an Ordinary Thief and a Political Thief?
Dem boys seh de Ordinary Thief steals yuh money, bag, watch, gold chain, clothes pun yuh line and things like that.
But, de Political Thief steals your future, yuh career, education, health and yuh business!
The joke is: De Ordinary Thief does choose who fuh rob. But, you yuhself choose de Political Thief to rob you.
The most ironic thing: De police will chase and ketch the Ordinary Thief.
But, de Police will look after and protect the Political Thief!
That’s the sickening reality of de society we live in!
And, we blindly seh we are not blind!
Dem boys seh de society more than blind. It deaf and dumb. Just imagine de govt sign some oil contracts and giveaway de whole shop to the people dem.
Little or nutten in dem deals fuh Guyana. When dem boys talk Trotty tell the nation how he was ADVISED and INSTRUCTED to sign dem contracts– blindly.
Well, well, well, de whole country want to know, who advise and instruct him do that?
Fuh sure is not Soulja Bai, because dem boys remember when Soulja Bai had ee fuss TV interview on this subject. He seh he don’t believe
ExxonMobil would do anything that would tarnish its Character.
When dem boys hear those words from he mouth, right away dem boys seh this man is naive and is a church bai.
He didn’t know ExxonMobil ain’t got no scruples and no character. Dem would even rob dem own mudda and do bad things to dem sister if dem get de chance.
Dem boys will go to dem grave believing Soulja Bai didn’t know nutten about oil and dem oil companies.
Dem boys also believe that he was conned, misled, and misinformed by the individuals who advised him to have such contract signed.
Everybody know he couldn’t be de power broker in this whole oil deal. Trotty seh he was ADVISED and INSTRUCTED to sign. Who instruct him? Who are the real players behind it?
Dem boys know de Baccoo play a big role in de advising. When dem boys start exposing de skullduggery de oil company did in odda countries, remember he is the man who tell the nation don’t believe those JOKERS who cussing out the oil company.
He go till to Berbice and tell dem up deh that de prolong cussing out of the oil company is unwarranted.
He even call the Waterfalls paper people fools.
This same man been pun TV and seh how de paper tek story from all over the world and printing it, yet he never refute a single story up to now.
Dem boys hear de story that really touch ee nerve was when de paper report how ExxonMobil bribe govt officials around the world with Millions.
Now dem boys want to know why would politicians get upset about that if dem ain’t guilty of something.
He must tell the nation about de e-mail he get from Exxon executive de same time that story print.
Dem boys want ee explain how a company you negotiating with can send you an email which says… “Dis kind a exposure wah de paper doing does happen after we leff man not before.”
Who back he watching? Whose interest he got at heart? He own or Guyana?
Certainly not the people of Guyana, and the most important question is how much money pass.
Talk half and hope you can read through de lines. Who collect and sell out Guyana?