Skip to main content

FM
Former Member

STATEMENT OF THE HONOURABLE CLEMENT ROHEE

11th Parliament of the Republic

Public Buildings, Brickdam

Given at the City of Georgetown

 

Hanarable De Facto President of Guiana

Hanarable De Facto Ministers

Excellencies from Dem Sk**thole Countries

Distinguished Jude-asses from EXXON-MOBILE

Hanarable De Facto Speaker from Scotland

People Who Come Hey Today Fuh Hear Abbe Talk

Comrades,

 

Abbe come hey today fuh duh moh dan juss collect abbe salary and dutty free letta. Abbe come fuh show dem duh who is squatting pon abbe seats dah side ah de House dat we is still hey and ready fuh run de nation.

 

Fuss ting fuss. Me wan fuh tell duh neemakharam Moses dat me nah ready fuh he yet. Me ah man dat juss tek he time fuh peel he pine. Ah doan juss rush pon tings suh. He guh see whey barley ah grow soon.

 

Second ting second. Me wan seh how proud me feel today fuh be jined by me data in Parlament. Dem always been ah put dunk dis gyal. Dis gyal show all dem big mout who de pon Facebook whole day ah knack she qualifications. Now look at de gyal. One big time Member of de House and fewcha Leadah ah de PPP.

 

Tree ting tree. Abbe wan fuh regista abbe strang strang support fuh de President. President Nicolas Maduro has abbe full support to invade Guyana and buss up de baby party in the Stabroek Black ah aile. None aile fuh PNC roti. Is we aile!

 

Four tings four. De Clarke ah dis Hanarable House is wan rale ingrate me tell yuh. Abbe mek he rass tun Clarke and he now wan tun back and bad mout abbe. Dis chap nah get shame me tell yuh.

 

Faar all de faar goin reasons, Mista Speaka de Peoples Progressive Party wishes the new de facto Guvament whah dis bakkle ah Buckley's good fuh. Is good fuh cold and fuh caff!

 

Speaka Scotch, me tank yuh fuh dis chance hey fuh gee lil vice to meh feelings in dis hey fancy rum shap. Me done!

Add Reply

×
×
×
×
×
Link copied to your clipboard.
×
×