Former SpDem boys seh…Bharrat Ramroop learn three card unda Demico House June 17, 2012 | By KNews | Filed Under Dem Boys Seh, Features / Columnists, News Dem gat an old saying, and Bharrat Ramroop tek it very serious. That saying is ‘No tricks, no living’ and he learn that under Demico House. He use to get away from school fuh play and dem boys use to rob he. School closing just now and dem gun have nuff fairs and merry go round. All dem fair gun have three card men. Some of dem use to deh under Demico House an holler whole day, “This you win; this you lose’ and dem show you one thing and then you see something else. It all got to do wid trickery. Bharrat Ramroop move from three card to chic chic. He teach Babbie, Rob Earth, Brazzy, Irfaat, Shaatie, and all dem Bees. Brazzy play three card wid de people money; Irfaat does play wid land; Shaatie does play wid de walldrobe, Rob Earth and Babbie still playing three card and chic chic. But people does peep dem card and anybody who peep and talk, dem does call cochore. That is how de Waterfalls paper get that name, “Cochore.’ It peep all dem card and dem know that dem boys know all de bogus move. When Uncle Donald go in de office de other day he see a cabinet full wid books—how fuh play three card. He get bassody. He stand up staring at de Cabinet fuh hours. When dem boys ask he wha happen he tell dem that he barely know fuh play rap, roamee and patience. Dem boys like de name, Cochore, and dem plan to continue peeping all dem card. Dem boys also peeping fuh de marshal. De marshal come Wednesday afternoon fuh shut dem boys mouth. De next day he come wid one fuh shut dem eye. De next day dem boys start wait from two o’clock fuh see when de other one coming fuh shut dem ears. None nah come and weekend come. That is when dem boys seh de Waterfalls paper gun get de weekend special—two fuh one. That mean Saturday and Sunday dem gun get sue fuh $200 each day. That is de real weekend special—de real two fuh one. One fuh shut de front and one fuh shut de back. Is everything dem want shut up and down. Dem done file lawsuit fuh shut up dem Parliamentarians. De amount of suit dem filing dem might shut down de court and all because de court gun run out of paper and dem might even run out of judges soon. One judge already complain how two three card player go fuh legalise dem relationship. Dem always deh hand in hand and not Brazzy insurance company. De judge seh he refuse but surprise when he hear dem two name—Babbie Jagdeo and Bharrat Ramroop. Dem boys couldn’t end this column knowing that today is Father’s Day. Dem want to wish all de fathers who tekking care of dem children, a Happy Father’s Day. And if you want join dem boys fuh a drink, come at de Cochore paper this afternoon. Fuh those who don’t look at dem pickney dem boys wish that de three card people tek everything dem got and lef dem mouth white. And fuh Bharrat Ramroop, de less said, de better, you filthy animal. Talk half and watch out fuh de chic chic board. eaker appears from under "De Jagdeo & Ramotar Cloud"