Dem boys seh…People joining dem party like li’l boy joining twine
October 26, 2011 | By KNews | Filed Under Dem Boys Seh, Features / Columnists, News
Source - Kaieteur News
People got to be careful wha’ dem naming dem children. Was a time when people use to name dem children Penny and Willie and things like that. That cause problem because de one who name Penny always like money and de one who name Willie… well less said.
Now one lady name she son Moses. De other day was problem. De first Moses parted the Red Sea. Thousands of years later when people think that de name lose it sting, another Moses part de PPP- C. Some hope that he join de AF-C and dem waiting to see if later on he gun part that C too. Dem boys seh that dem got to be careful because another Moses might part somebody skull.
Anybody name Joey or Joe-Joe is trouble. Dem always mekking joke and people tekking dem serious. One of dem go to a press conference and announce that he thinking bout joining de party. He ain’t join. He only thinking, but de party people run and tell everybody how Joey coming home. Dem boys didn’t even know that he did gone away.
But which ever party dem jump to de Waterfalls paper giving all of dem free space. De paper Boss Man don’t see colour. He don’t see Indian, Black, Chinee, Putagee and even dem in-between like Kwame. But Kwame got he own space, suh he can’t get none.
But de funny thing is that all kind of lagu bagu, jaggabat joining one party or the other. Dem boys seh that Guyana politics becoming a circus. People joining party like li’l boys joining twine. Dem want to know wha’ happen to Donald. Dem want to know if he encourage all dem people and if he can find wuk fuh all of dem and he better realize that all of dem expect big money.
Talk half. Lef half.
October 26, 2011 | By KNews | Filed Under Dem Boys Seh, Features / Columnists, News
Source - Kaieteur News
People got to be careful wha’ dem naming dem children. Was a time when people use to name dem children Penny and Willie and things like that. That cause problem because de one who name Penny always like money and de one who name Willie… well less said.
Now one lady name she son Moses. De other day was problem. De first Moses parted the Red Sea. Thousands of years later when people think that de name lose it sting, another Moses part de PPP- C. Some hope that he join de AF-C and dem waiting to see if later on he gun part that C too. Dem boys seh that dem got to be careful because another Moses might part somebody skull.
Anybody name Joey or Joe-Joe is trouble. Dem always mekking joke and people tekking dem serious. One of dem go to a press conference and announce that he thinking bout joining de party. He ain’t join. He only thinking, but de party people run and tell everybody how Joey coming home. Dem boys didn’t even know that he did gone away.
But which ever party dem jump to de Waterfalls paper giving all of dem free space. De paper Boss Man don’t see colour. He don’t see Indian, Black, Chinee, Putagee and even dem in-between like Kwame. But Kwame got he own space, suh he can’t get none.
But de funny thing is that all kind of lagu bagu, jaggabat joining one party or the other. Dem boys seh that Guyana politics becoming a circus. People joining party like li’l boys joining twine. Dem want to know wha’ happen to Donald. Dem want to know if he encourage all dem people and if he can find wuk fuh all of dem and he better realize that all of dem expect big money.
Talk half. Lef half.