Skip to main content

FM
Former Member
Dem boys seh…Moses and scrap dealers mek de Big man cuss again

October 29, 2011 | By KNews | Filed Under Dem Boys Seh, Features / Columnists, News
Source - Kaieteur News

When de elections campaign start was cuss fuh so. Two people get cuss every day. Now de cuss man forget de two people because Moses give he a shock. Imagine at two meeting de man and he colleagues cuss Moses. Dem forget de Waterfalls boss man and Uncle Adam.

Was fun. Even some one-man party decide that dem gun join de fun. Dem mek de Elections Commission cuss. Dem guh wid a list that only dem coulda read. Surujbally get headache and Boodoo get diarrhea.

Now de season start is strange how everybody talking. Dem promising de moon and de stars but as dem boys seh once dem get in is another story.

All dem people who join one party because dem feel dem gun get a big position gun be disappointed. Is a fun thing fuh a man mek a big switch and lef naked when everything done.

And dem boys notice that de people who does buy food in de night getting less and less. Money drying up because people ain’t getting a chance to line up fuh de election money. Dem scrap metal people spot de loophole and dem approach de Big Man fuh an ease. For more reasons than one de Big man decide that he gun free up de trade. He know that is nuff people in de scrap metal trade and all of dem, once dem register, can vote.

Dem meet wide he and tell he that dem gun vote fuh dem other people if he don’t lift de trade. De Big man cuss, then he cry.

Imagine that wid a few days to go to de elections dem people can ship scrap again. But GPL and GT&T and dem church worried. Is dem that does feel it. And dem people who does park dem car at de side of de road got to look out. Dem good car gun get cut up fuh scrap.

Talk half,. Lef half.

Add Reply

×
×
×
×
×
Link copied to your clipboard.
×
×