Skip to main content

FM
Former Member
Dem boys seh…King Kong end up in court

September 22, 2011 | By KNews | Filed Under Dem Boys Seh, Features / Columnists, News
Source - Kaieteur News

If de Big man think that was he alone woulda get Appreciation Day he had to think again. De man who claim goat ain’t bite he had one too.

If you see people who meet at he Ministry because was five years since he serve as Home Affairs Minister. Dem come from all over and dem use dem own transportation. Some of dem walk wid food because de last time dem meet nuff of dem get poison in Berbice.

Dem boys seh that de man who cook de poison food also tun up and he mek speech. De problem come when he call pun de goat man fuh mek he speech.

De programme nearly bruck up because de goat man start fuh cry right deh. De make up pun he face start fuh run and de people in de front seat run too. When de goat man wipe he face me mek mistake and wipe he head. De towel stain.

De man talk how he tek community police serious but while he talking some people carry out a robbery at Enmore because all de community police people come to town.

Then was time fuh de snacks. People start fuh tek out de roti and de bake and de buns from dem pocket. Nobody ain’t trust eating at any function de goat man hold. Dem remember de poison. But is de same man who cook de poison food invite dem to partake at de meals at this function.

He had to run. Dem have an arrest warrant out fuh he.

But even before that dem had problems in de court. De Big Man claim how people call he King Kong. Well King Kong end up in de court and he sit down pun a desk in front of de Judge.

De Lunchman who was getting question, tell de whole court that King Kong and de Big Man, while dem resemble, ain’t got nutten in common.

Talk half. Lef half.

Add Reply

×
×
×
×
×
Link copied to your clipboard.
×
×