Skip to main content

Dem boys seh…De Big Bee pocket de whole Guyana

November 29, 2012 | By | Filed Under Dem Boys Seh, Features / Columnists, News 

 

A lot of things got to come to light. EZjet is yet to come and it gun be brighter than de sunlight. Nuff names wha been hiding in de background gun call.  Wait till de Feds put hands pun Sonny and send he in front of dem boys good friend, Aunty Judge Dora.


Fuh sure dem got two Bees, one is Barbie and one is de Bar Rat. Brazzy ain’t got no share but he help put it together.


Remember dem boys seh that de Bees own three-quarter of Guyana. Now dem putting dem hand inside de economic machine of Guyana. Everybody know that Bharrat own de Hard Times paper. He buy over Vieira TV and he give heself a radio licence. That radio now creating havoc wid poor CN.


Suh is radio, TV , newspaper, dem still thinking fuh bring back  Easy Come Easy Go, dem gun tek over de hotel (Marriott) and internet services, cable TV, data center, casino, restaurant, night club, wireless service, pharmaceuticals, commercial printing, water pipe factory, hardware supply, health care supply, and dem heading fuh own dem own private hospital. These are some of de things that form de tip of de iceberg. Put dem together and tell de people if dem ain’t own Guyana.

Dem boys now telling Donald pun he anniversary wha dem people who he does defend really do fuh demself. When Donald and de nation believe that de Bar Rat and dem other Bees was doing things to benefit de people of de country, dem was really doing things to enrich and benefit dem own self.


That list alone is proof beyond the shadow of a doubt.

Dem boys gun talk bout a lot more wha dem do sooner rather than later. Dem plan to tell de nation more but dem don’t know everything. Some of you  know things and frighten fuh talk. Just whisper and dem boys gun tell de world.


Who would you equate this man, de Big Bee to? Mubarak, Saddam Hussain or Gadaffi,  who didn’t siphon off a piece of de country but pocket de whole country.

Talk half and tell we de other half.

Add Reply

×
×
×
×
×
Link copied to your clipboard.
×
×