Skip to main content

FM
Former Member

Chat-3 big bull run SOCU offisa off de farm

http://www.kaieteurnewsonline....-offisa-off-de-farm/

De manner in which a search warrant was handled a few days ago give de accused a heads up so he coulda mek ee move.

Everybody know SOCU was about to go after things wha dem she de Chat-3 ain’t supposed to have in ee possession but as we all know, when yuh have friends in high places all things are possible

Dem boys hear ee send way the stuff at ee father farm in Mahaica to hide

SOCU get a wire and de boss man send up a team to search de farm.
Dem boys hear when de officers reach at de farm dem meet up with the Chat-3 daddy

One of de offisa tell de daddy, “We come fuh carry out ah raid pun yuh farm. We a look fuh books, drugs and guns.” The Chat-3 daddy calmly seh, “okay offisa, but ah don’t want yuh to go in de field over deh so…”, as he pointed out the area.

Dem boys hear the SOCU offisa verbally explode and seh, “Leh me tell yuh dis. Me have de authority of the Guyana government !” Reaching into ee pocket, the arrogant offisa pull out ee badge and proudly display it in front de big man face

“See dis badge yah?! Dis badge mean me can go anyway me want… In the air, sea and any land! Me is a SoCooo offisa! No question asked, no answers given! Yuh handastan wha meh she old bai?!”

The Chat-3 daddy apologize and continue to go about ee business.

Moments later de daddy hear loud screams. He looked up and see de SOCU Offisa running fuh ee life, with Chat-3 daddy Big Bull right pun ee backside……

With every step de bull was gaining ground on the offisa, and it was likely that he woulda get kill before ee reach de farm gate. De offisa frighten like hell. The Chat-3 father throw down ee cutlass, run as fast as he could to the fence, and shout at de top of ee lungs……
“YUH BADGE! SHOW EE YUH BADGE!”

Talk half and remember don’t go fuh search fuh book pun farm

Add Reply

×
×
×
×
×
Link copied to your clipboard.
×
×