Skip to main content

Reply to "Which New AFC Minister Used To Accept Bribes and Money for Strippers?"

Originally Posted by Shaitaan:
I think you know de Honorable Minista I'm referring to hey.

We understand each other?

De Chat-3 get cuff in he eye

June 4, 2015 | By | Filed Under Dem Boys Seh, Features / Columnists, News 

Everybody know de saying that angry people got matches. And people does get vex fuh nuff thing. Some does get vex when people talk to dem; some does get vex when dem ain’t get wha dem want and some does get vex when dem get ketch doing something that dem should be ashamed to do. De bottom line is that all of dem is angry people. Yesterday, Bulky, de furniture man, decide to heck and see how Whittaker spend one billion dollar that Donald tell he to use to bribe de people in Gee Tee. When Whitty release de money suddenly every corner of de city had contractor. Luncheon did know about de spending because he announce big and bold that de government gun keep de money far from Hammy. De other day de rain come and flood out de whole of Gee Tee. But just before that dem private people did start a campaign fuh clear up garbage in de city. Dem boys never see suh much garbage after a government did spend $500,000 to move de same garbage. Bulky announce that he got to find out wheh dem spend de money. He nearly didn’t find out. Somebody close to Whitty and Donald decide fuh buy some kero and when de rest of people gone home she soak de place. Dem boys seh that if was a man he woulda buy gasoline. It had to be a woman who accustom to buying kero to cook. She soak de carpet and de chair and she light de fire. When she walk out nobody didn’t even suspect nutten because was only a woman going home. De fire tek long to ketch. In fact it cause more smoke than fire. That is how kero does burn. People see de smoke and dem put out de fire. That is wha save de records fuh Bulky check. Dem got angry people over de Rodney Commission of Inquiry but dem ain’t got control over de money. De Chat-3 lef before dem boys talk bout checking. But after de news come out that he spend like if he was shying rice, some angry person cuff he in he eye. Dem boys seh don’t believe dem but check de Chat-3 and you gun see he get cuff in he eye. Talk half and look out fuh more fire.

FM
×
×
×
×
×
×