De Chat-3 disown he bodyguard

Wid de Chat-3 everything is possible and anything can happen. A man happen to picket de Chat-3 office and somebody threaten to shoot him. Somebody did shoot him dead and de Commander was de first policeman to reach on de scene. When dem boys see him dem want to know wha he was up to, because he was close to de goat man and de man who look like de devil. He meet before he own men who was patrolling in de area. People all over de town seh that since he was de first one pun de scene de whole investigation went sour. Is when de people change de goat man and de devil change that de pieces falling in place. De police first arrest a man from River View wid de same gun that happen to kill Crum-Ewing. That was only de start. De police eventually happen to arrest a man who happen to wuk as de Chat-3 bodyguard. De man, according to people, was a player in a hit gang. When that gang bruck up he lef and go wuk wid CANU. He lef CANU and go away to Uncle Sam. Dem boys ain’t know de reason why. But suddenly dem boys see him back wukking wid C fuh Satar after he didn’t get in CANU after CANU reject he application. De C fuh Chat-3 write to C fuh Satar and ask him to release this man to be he bodyguard. According to C fuh Chat-3, de man only wuk couple day as he bodyguard then disappear. Only de shaat Commander gun know wha de man do before and after dem couple days. He always know. Ask he. He does jump in trench and find gun without even knowing wha he jump in de trench for, in de first place. He like fancy car and he use to drive a fancy SUV that he salary can’t buy in a lifetime. Is drugs man does drive vehicles like that and dem boys ain’t talking bout drugs man like Ramroop. Dem talking bout drugs man like de Cash Jet man. Dem boys hope that Rum Jattan and Li’l Joe and de team disown de goat man and Jagdeo commander de same way C fuh Chat-3 hold press conference and disown he bodyguard. Talk half and hope that Donald and de devil don’t disown de Chat-3.