Bai why yuh huttin up meh head? Yuh know me is a dunce. Me send de article to Mr TK and he seh how de writing is uninformed and poor. That de writer doan know what he sayin. That many ecaminis bais know de crisis was coming. He seh look up Mr Dean Baker and Mr Raguram Rajan. He seh Mr Robert Lucas is voodoo macroeconomis . Hey hey hey. He seh if nat foh dem economis bai like Mr Ben Bernanke and dankey years of research abie would get anoda great depression after de crash in 2007. He seh if yuh hear bout operation twist and large scale asset purchase and some other mout twister me too dunce foh pronounce. Hey hey hey. He seh de writer gat to be stupidee because dem economis bai know a lot bout growth and development, but not everything. He seh dem economis bai still gat nuff foh learn. He seh how article writer fail foh realise that economis get blame for politician action. He seh just like how all medical dactah na alike, de same foh dem economis bais.