Skip to main content

Reply to "Crime Tracker Guyana, since May 2015"

Originally Posted by Ramakant-P:
Originally Posted by Mitwah:

Jagdeo and he kavakamites gun get jail

November 28, 2014 | By | Filed Under Dem Boys Seh, Features / Columnists, News 

It never good to wish people bad, but in this country, envy and spite does got people cussing de very people that dem spite. And when de people tun pun dem, people shouldn’t get vex when dem same people wish dem bad. When dem boys read what some of dem do to dem three NBS people dem couldn’t help but wish bad things happen to de three sinners. Dem wish Jagdeo bad because he was de one who start de whole thing.  If he didn’t tek out spite pun de head of de NBS all this wouldn’t happen. De man seh no to an unlawful loan and he end up getting charge. Dem wish Go Paal bad too. He is de one who tell de NBS people that bad things gun happen to dem. He was de one who had plans and when dem boys talk bout de plan fuh build de new office he run and sue. He should know that de Creatah don’t sleep and he should remember that crash pun Carifesta Avenue. De DPP lady mek de people get charge. Dem three sinners, Jagdeo, Go Paal and de DPP all mek dem people and dem family suffer suh much. Is seven years done and dem people live, some of dem by de Grace of de Creatah. One of dem seh he didn’t have rent money. Tears come to he eye when he think about he landlord, who he describe as an angel. And on top of that the man had five girl children, the smallest one was two years old. One had six months to retire. The man is now 67 and still can’t get his pension. He mudda bedridden and she get sick because she tek on she son court case. De son get off, but she still sick and de man got to support she. This man turn back and sue de wicked three for wrongful charges. Dem suh spiteful because dem got control of how de case moving in de courts. Dem got he in de witness box since February. Dem boys seh that this got to be a world record. Dem boys seh that dem know that de man gun win de case suh dem slowing it down. That is why dem boys seh that dem can understand when de Hay Heff See seh that if it get into power it gun put in laws fuh deal wid Jagdeo and he kavakamites in de PPP—Piss Pun de People. Talk half and watch de wicked end up in jail.

How come you cut and paste and still spell the words wrong?

Get off the booze, man..

Yuh durnk.

Mitwah
×
×
×
×
×
×