Skip to main content

FM
Former Member

Some cold cases fuh de Pullice

Every body who know de Prezzi know de Prezzi as a good and decent man.  Some seh de Prezzi ain’t gotta bad bone in he body. But de Prezzi mek a bad mistake de other day.

Was a honest mistake though, so not plenty people gon hold it against de Prezzi, except de Pullice, Rum Jhaat and de Nagga Man.

De other day de Prezzi was talkin to de Pullice bout Pullice wuk. Now every body who know de Pullice know that when Pullice stop yuh on de road dem does be cold. And is only some ting cold that does get dem to stop bein cold.

Prezzie he self start to talk to de Pullice bout opening some ting cold de other day. Some cold cases. Problem is, as soon as de Prezzie done talk, de Pullice, Rum Jhaat and de Nagga Man was lookin out fuh de cold cases.

All of dem fellas was actually waitin fuh de cold cases of beer which dem thought de Prezzi was about to give away. So dem was disappointed with de Prezzie.

Of course, after de Rummie and de Nagga realise that dem totally misinterpret de Prezzi, which ain’t any ting new anyway, dem was so disappointed that both of dem went ahead to Station Street and order dem own cold cases.

Well, that turn out to be another case by itself. At least dem was no longer disappointed by de next mornin! But it had a lotta people who was still disappointed, although dem wasn’t lookin out fuh cold cases of beer.

In fact, some get friken. De same Rum Jhaat fuh instance hopin that de cold case wid him tekkin all de KFC money that come in from New York and Canada gon never get hot. As fuh de Nagga man, he plan to tell de Pullice shut dem so-and-so mouth when dem start to open de cold case with dem people he rob in Berbice.

Ting-a-ling-a-ling…friend tell friend…mattie tell mattie! De Tax Man gon be outta de picture here. So these cold cases might get hot soon!

Replies sorted oldest to newest

"Every body who know de Prezzi know de Prezzi as a good and decent man.  Some seh de Prezzi ain’t gotta bad bone in he body. But de Prezzi mek a bad mistake de other day."

FM

Add Reply

×
×
×
×
×
Link copied to your clipboard.
×
×