Nuff kak pass and more still passing
Jul 21, 2017 , http://www.kaieteurnewsonline....-more-still-passing/
Kak been deh from Day One. Some people always getting kak. Some love it, some don’t while others shame to talk about it.
Govt officials is de leading people fuh give kak. Dem is de people who does give out all contracts and it ain’t got one contract that people don’t get kak wid.
Dem contractors does enjoy giving dem politicians de kak. And Jagdeo, that scamp, had to love it because he never prosecute one contractor. Instead, he encourage de kak till it become part of ee nature.
Soulja Bai did promise that when he get in office to get rid of all de kak.
But dem boys know that a promise is a comfort to a fool. De kak still continue. De only difference is Jagdeo did know he getting it and was loving it. Soulja Bai don’t know he getting it till he feel it.
He got to go and see de size of a school that is being built wid gamma cherry wood and costing de taxpayers $90 million. Walls that should mek out of greenheart, mek out of plywood.
Was under Jagdeo leadership and de Sityra Gyal de Kato school cost $1 billion. Dem boys seh that wasn’t kak; that was shafting and dem boys don’t know which one of de two tek dat shaft.
Soulja Bai cry when he see it. He couldn’t believe dem had people who coulda give much less tek shaft like that.
He manage to correct de situation. De school gun open in September and de same contractor who give Jagdeo and Sityra Gyal that shaft tek it back when Soulja Bai corner him. He fix de school fuh free.
Jagdeo had to be de best. He still believe he shaft de country when he seh he walk out of Cabinet and lef he kavakamites behind to mek de decison to give Babbie de whole Sanata Complex fuh next to nutten.
Not even a school child buy that.
Yet dem boys know that dem got people who trying every day to shaft Soulja Bai. Some claim that dem vote fuh him suh he got to give dem contracts. But he smarter than that.
Talk half and always avoid kak.