Dem boys seh…Donald, de donkey dead and Bheri
February 25, 2012 | By KNews | Filed Under Dem Boys Seh, Features / Columnists, News
Guyana just had an election results that this country never see before. Is de first time something like this happen. PPP now running de government and de oppositions running de parliament. And dem boys plan fuh run all of dem—but wid talks.
Before de PPP come to power in 1992 dem use to cuss de PNC. Dem come to power and dem still cuss de PNC. Dem cuss dem how dem thief this and thief that, dem give way this and give way that; dem jump pun this and jump pun that; dem push in this and pull out that. And dem still pun de same tune.
Fuh twenty years de PPP talking bout wha de PNC do—that same tune wha de donkey dead pun. Uncle Donald and all use to sing that tune. Dem boys seh that de tune get stale. Five President, including a Rat, ride that same donkey. Well dem boys seh that it get old, it dead, Bheri and rotten.
Dem boys want Uncle Donald to get off that donkey and start fuh ride something else, not Kwame though. He got to ride a horse. He got to look different, talk different, walk different and even smell different. Rat ain’t got a nice smell but he got good sense fuh cheese. Ask Rob-Bert and Irfaat.
That is why dem boys seh that Uncle Donald got to lead he people fuh talk bout wha de PPP plan fuh do and wha de Rat shouldn’t a do. Nuff things coming out that Uncle Donald need to understand before he talk.
Tek de bridge at Manari trail in de Rupununi. That was a bridge that build less than twenty-eight years. It break under a truck and Uncle Donald should enquire who build de bridge. Dem boys seh that de investigation shouldn’t last long because is a man who tell everybody he is an engineer who build it.
Is no Secret that Sam tell people he is an engineer and that he can build anything, even a skyscraper. Fip tell people that he is engineer too. That is how Sam give he de contract fuh build de bridge at Manari, that same contract wha he can’t remember he sign. But dem boys seh if he sk… been in de truck he woulda remember.
De bridge was a test. It nearly kill two people. De bridge break and de truck fall twenty-five feet into de river. Three more feet and it woulda be twenty-eight, just like wha some of dem like talk about.
Talk half and change de other half.
February 25, 2012 | By KNews | Filed Under Dem Boys Seh, Features / Columnists, News
Guyana just had an election results that this country never see before. Is de first time something like this happen. PPP now running de government and de oppositions running de parliament. And dem boys plan fuh run all of dem—but wid talks.
Before de PPP come to power in 1992 dem use to cuss de PNC. Dem come to power and dem still cuss de PNC. Dem cuss dem how dem thief this and thief that, dem give way this and give way that; dem jump pun this and jump pun that; dem push in this and pull out that. And dem still pun de same tune.
Fuh twenty years de PPP talking bout wha de PNC do—that same tune wha de donkey dead pun. Uncle Donald and all use to sing that tune. Dem boys seh that de tune get stale. Five President, including a Rat, ride that same donkey. Well dem boys seh that it get old, it dead, Bheri and rotten.
Dem boys want Uncle Donald to get off that donkey and start fuh ride something else, not Kwame though. He got to ride a horse. He got to look different, talk different, walk different and even smell different. Rat ain’t got a nice smell but he got good sense fuh cheese. Ask Rob-Bert and Irfaat.
That is why dem boys seh that Uncle Donald got to lead he people fuh talk bout wha de PPP plan fuh do and wha de Rat shouldn’t a do. Nuff things coming out that Uncle Donald need to understand before he talk.
Tek de bridge at Manari trail in de Rupununi. That was a bridge that build less than twenty-eight years. It break under a truck and Uncle Donald should enquire who build de bridge. Dem boys seh that de investigation shouldn’t last long because is a man who tell everybody he is an engineer who build it.
Is no Secret that Sam tell people he is an engineer and that he can build anything, even a skyscraper. Fip tell people that he is engineer too. That is how Sam give he de contract fuh build de bridge at Manari, that same contract wha he can’t remember he sign. But dem boys seh if he sk… been in de truck he woulda remember.
De bridge was a test. It nearly kill two people. De bridge break and de truck fall twenty-five feet into de river. Three more feet and it woulda be twenty-eight, just like wha some of dem like talk about.
Talk half and change de other half.