Skip to main content

FM
Former Member

Donald, Granger, Ramjattan promising everything

January 30, 2015 | By | Filed Under Dem Boys Seh, Features / Columnists, News, Source - Kaieteur News

 

 

This is de time when people does watch people and tell dem all kind of thing. Dem does mek promise like if dem head ain’t good. Some of dem does promise wha dem ain’t even got. Granger go pun de Essequibo Coast and promise economic revival.


De people pun de coast ain’t even sure wha that mean, if it mean that dem gun live like de people   in Georgetown or if dem gun live like Jagdeo, Babbie, Anil, Irfaat and Rob de Earth.


Moses promise dem Berbicians that he gun see that dem mek sugar like sand and get money like rain. De Berbicians want to know if he promising dem more money than dem does mek wid de smuggling from Suriname or if dem and all gun get fuh live like Jagdeo and all he kavakamites.


Then Donald promise de whole country that he gun give dem cheap electricity. Dem boys seh that is de greatest promise, but dem got people who thiefing current, suh current can’t get more cheap than that.


It mek dem boys remember when dem was young and dem wanted something desperately. If is a case that dem did want dem mother stop cutting dem tail dem use to promise she everything just fuh mek she stop. Some even promise to be good, but as soon as de cut tail done is back to wha dem accustom to.


Dem boys see big men cry when police hold dem and promise to even compensate de people who dem rob, but everybody know that is only word of mouth. Even when a community ketch a bandit and beat de daylights out of him de bandit does promise to go to church if dem lef he.


Nuff women run into men who promise nuff things just to get a bit of de Promised Land and when dem get it is a different story. That is why when all dem politicians go and mek promise, dem women does shake dem head and de men does smile because dem and de politicians cut from de same cloth—all of dem can mek promise that dem don’t intend to keep.


When Jagdeo tek he oath as president he promise fuh serve all de people of Guyana. Dem boys seh that people ain’t even got to ask he if he keep that promise.


Talk half and watch out fuh more of dem promises.

Replies sorted oldest to newest

Originally Posted by Demerara_Guy:
Then Donald promise de whole country that he gun give dem cheap electricity. Dem boys seh that is de greatest promise, but dem got people who thiefing current, suh current can’t get more cheap than that.

 

 

Donald, Granger, Ramjattan promising everything, January 30, 2015 | By | Filed Under Dem Boys Seh, Features / Columnists, News, Source - Kaieteur News

Cheaper and firmer source of electricity, through the proposed Amaila Falls hydropower development, will soon be a reality in Guyana.

FM
Originally Posted by Demerara_Guy:
Originally Posted by Demerara_Guy:
Then Donald promise de whole country that he gun give dem cheap electricity. Dem boys seh that is de greatest promise, but dem got people who thiefing current, suh current can’t get more cheap than that.

 

 

Donald, Granger, Ramjattan promising everything, January 30, 2015 | By | Filed Under Dem Boys Seh, Features / Columnists, News, Source - Kaieteur News

Cheaper and firmer source of electricity, through the proposed Amaila Falls hydropower development, will soon be a reality in Guyana.

bai sence me been a young boy i hear jesus is coming but it a look like nobody paying his passage now me a hear about this hydro and again no body have money to pay for it please talk about something more simple 

FM

Granger deaf and Ramjattan blind

December 10, 2014 | By | Filed Under Dem Boys Seh, Features / Columnists, News, Source - Kaieteur News

 

When Jagdeo give away de radio frequencies to he best friend and he family and he party, dem boys talk about de danger of that. Even de big man at the US embassy at de time know that this thing was wrang and dangerous.


He tell Jagdeo to revoke all dem stations he give out. Other diplomats talk about it and de opposition whisper.


When dem boys protest dem did see de big picture ahead. Dem talk to de opposition—both Hap Old not New and Hay Heff C fuh Satar.


But De opposition couldn’t see further than dem nose; dem couldn’t see wha Jagdeo and the Piss pun People Party had in store fuh dem.


Now all dem radio station wha Jagdeo give away cussing everybody who not in Jagdeo and Ramotar camp, morning, noon and night. Dem call Granger and Ramjattan all kind of names. Dem seh Granger Deaf suh dem can seh anything pun de radio because he can’t hear.


Dem tell Ramjattan that he can’t see straight suh dem can do anything pun de TV because he can’t see.


Dem call de Waterfalls boss man a dummy, that he nevah been to school which is de only thing that dem ever seh that was true. Dem does call Uncle Adam de Heditor and de house slave and he does get vex because dem lef out de Doctor in front, not de one like wha Babbie, Berry and Bharrat got—three of de most unscrupulous Bees Guyana produce, not forgetting de fat crook.


Dem does use de radio stations to talk all kind of dutty things about hanest people who dem don’t like. Dem busy promoting dem party and bigging up de ducks—Donald followers.


Now dem boys want to know what de seedless opposition got to use to get dem voice out to de people.  One man seh that dem can trumpet through de thing under de cow tail to get to dem followers and voters.
These idiots.


And according to dem boys it gun get wuss fuh dem. As a matter of fact dem might got to keep bottom house meeting every hour of de day fuh fight all dem lie that de ducks — Donald followers — gun be spewing and shouting come election.


Donald, de chief duck,  tell dem boys during de protest that de Waterfalls paper had  to give he three weeks and he gun regularize de situation. Everybody fall fuh that, including dem boys and dem stop de protest.


Three years done fuh he in de office and he nah even regularize de furniture in it. De only thing he regularize is he weight fuh sit down pun nibbi furniture, come next year after de election.


Talk half and get couple loud speaker fuh de opposition.

FM

Add Reply

×
×
×
×
×
Link copied to your clipboard.
×
×