Skip to main content

Brassington fall and Jagdeo get cut

January 13, 2015 | By | Filed Under Dem Boys Seh, Features / Columnists, News 

Time longer than twine; that is an old saying but plenty people don’t believe it. What that mean in simple terms is that, whatever you do, good, bad or indifferent, gun ketch up wid you.
When dem announce that dem building Marriott dem didn’t believe that dem boys woulda see through de scam. When dem give Fip, that scamp like dem, de road contract dem didn’t bargain fuh de falling out because Donald shy he out like when dem farmer does shy paddy.
But time is a good thing.  If you get a cut pun you foot or like some people, pun dem belly or pun dem mouth, time does heal that cut.
Brassington did run and fall down pun he belly and bounce. When dem check instead of Brassington getting a bruise or a cut, Jagdeo get a cut pun he behind from de fall. How that happen? Only de Creatah knows.
De two of dem did deh like batty and poe so when one of dem do something de other one does feel it.
But is only time wid plenty of dem. Dem boys ain’t calling name and dem want dem fuh know.
Time is free but it is priceless.
You can’t own it but you can use it
You can’t keep it but you can spend it
Once you have lost it you can never get it back
Suh when dem end up in de pumpkin jumpsuit dem gun have enough time to remember de evil, wicked, nasty and dutty things dem do to de people of this country, including dem boys.
People may not remember what you say or do, but they will always remember how you made dem feel.  Tek note.
Old people got another saying. Life may not be the party we hoped for, but while we are here we might as well dance.
Talk half and enjoy de wining before people wine pun you.

Add Reply

×
×
×
×
×
Link copied to your clipboard.
×
×