Skip to main content

FM
Former Member
Dem boys seh…Space people carry away Fip

September 10, 2011 | By KNews | Filed Under Dem Boys Seh, Features / Columnists, News
Source - Kaieteur News

When people claim how aliens from outer space tek dem nuff of we does laugh and claim how dem mad. People in de States always seeing UFO and de army busy telling dem that is some plane or some shooting star.

Well dem boys certain that aliens gone wid Fip. De man was in de bush trying to mek a road to de hydro falls. He buy some second hand equipment from de States and he hide and bring dem in. People believe that he was hiding from de press but he was hiding from dem same aliens.

He try fuh build de road but he was struggling because he was always hiding from dem aliens. He promise to carry in some reporters but before de man can do that dem aliens pick he up and gone wid he.

Now nobody can say wha happen to de road. It just stall. De Lunchman suspect that something happen suh he get de Big Man to award another contract fuh mek de road pass through some village in de interior. That mean that is one piece of wuk that Fip don’t have to do.

Dem, boys seh that even if de man was willing he couldn’t. De whole government looking fuh he and can’t find he. Dem find a truck in a ravine and couple piece of rope but dem can’t find Fip.

One man suggest that he tek de government money and run but then again he couldn’t do that because de people was paying he piece, piece. It had to be that de aliens tek he to save he from jail fuh false pretence. He pretend that he was a road builder.

Dem boys seh that Brazzy should gone to jail too because he was de one who claim how he know that Fip could build road.

Elections coming and de road ain’t done. Fip gone, Brazzy hiding and nobody ain’t even talking bout de hydro project no more.

Talk half. Lef half.

Add Reply

×
×
×
×
×
Link copied to your clipboard.
×
×