Skip to main content

FM
Former Member
Dem boys seh…Sister Lyn treating de police fuh free

October 18, 2011 | By KNews | Filed Under Dem Boys Seh, Features / Columnists, News
Source - Kaieteur News

People don’t even believe in doctors these days. Imagine people guh to doctor and when dem can’t get cure dem does go to dem herbalist. Only heavens know wheh dem herbalist get dem training fuh cure people.

Wha dem boys know is that all of dem got big fancy house and is strange that de people always believe that dem get cure. Dem boys seh that if dem been stay home and let nature tek its course dem woulda cure same way.

One of dem guh to Plaisance and de herbalist wuk till de person collapse. That is when de herbalist tell de people fuh carry de man to a doctor. Why de herbalist didn’t seh suh in de first place is a mystery.

Then dem had another set who use to beat spirit out of people. One of dem beat a man till he jump through a window and he dead. Another woman beat one and kill she and bury she.

Now dem boys want know who gun pay people fuh beat dem? Dem woulda beat de beat man instead.

Suh dem have a woman wid TB. This woman and she family claim how doctors can’t cure she. She go to Sister Lyn and drink something and dead. Dem boys seh that if de woman did want something to drink all she had to do was tell dem boys.

What she drink mek she vomit from both ends. Then she complain how she feel bad. Dem boys seh that dem never see somebody give back people money suh fast. Sister Lyn do just that. She dealing wid de police right now and dem ain’t even paying.

Even Sister Lyn ain’t got fuh pay fuh de security she getting now.

Talk half. Lef half.

Add Reply

×
×
×
×
×
Link copied to your clipboard.
×
×