Skip to main content

FM
Former Member
Dem boys seh…Is when de Lunchman beard bun he know WikiLeaks is not fuh real

September 7, 2011 | By KNews | Filed Under Dem Boys Seh, Features / Columnists, News
Source - Kaieteur News

Everybody know de song, Dem a watch me. But people gun hear a new song—Dem a stop me. Dem boys try fuh go into a NIS office pun de Corentyne. This building shoulda cost no more that $15 million but somebody push dem hand in de kitty and de building cost $69 million.
Dem boys decide fuh see wha this building mek wid suh dem decide fuh try fuh see if dem see any gold or expensive mineral. When dem go dem didn’t see any outside suh dem try fuh go inside. Is then trouble start.

All dem woman guard run and a old sergeant tek over de gate. He claim that he got a right to ask people wha dem coming for but is only dem boys he ask. People want come out and de man can’t open de gate because he frighten dem boys go inside. And he wouldn’t call de police. Dem boys beg he fuh call de police and he wouldn’t.

Louise Byran, who now tek over de building, panic. She run; de old man guard who use to wuk wid de Waterfalls boss man—he name Gravesande– lock de gate and de people who been inside and want go home get lock in.

Is when dem boys move off that word come that de people in town tell dem in Berbice that dem mustn’t let dem boys go in at any cost. Dem got nuff to hide.

When dem boys move off dem see a building that is two storey and cost less than half because de building fuh sale and that is de price.

And WikiLeaks got de Lunchman cussing because it claim how de Big Man did want to knock he off. All of a sudden he claim that WikiLeaks dealing wid unproven statements. But when de Big man get Chronicle, de paper that he owns and nobody don’t read and even de government TV station, de Lunchman didn’t know that when dem try fuh mek de Waterfalls boss man to be a snitch.

Dem boys seh that is funny how when things bite dem behind is only then things does tun bad and does be rumours.

Dem boys know when you mattee bed bun throw water. De Lunchman wait till he beard bun fuh holler and beg fuh water.

Talk half. Lef half.

Add Reply

×
×
×
×
×
Link copied to your clipboard.
×
×