Dem boys seh…Hydro deal or hydro seed?
October 2, 2011 | By KNews | Filed Under Dem Boys Seh, Features / Columnists, News
Source - Kaieteur News
Long time, since you blink was a protest. Everything was a street protest and de police had to deh walking wid de protesters all de time. Even Irfaat, Rob-Bert and de Big Man use to lock up. Dem was frighten.
Now is a different story. Dem boys can’t find anybody who can call a protest. Not even Freddie wha seh that he can’t talk wha he like can organize a protest.
Dem boys now know why. All de leaders of de protesters get buy out just like how people does buy bora and ochro in de market. Every jack man have a price, and de Big Man know all of dem price and he pay it.
Carvil was de cheapest. He get buy out fuh li’l or nutten. Car-Bin get buy out too. De day he get sick and de Big Man pay fuh he fly to de States was de beginning. Then de Big Man pass legislation in Parliament fuh he get a good pension.
Dem boys stand up and see Ministry vehicle pulling up and off load at he house. Dem boys seh that people should see wha does offload.
Back Kah, like de Kabaka, get thief out. She was cheap too. De other one who get buy out, get ketch. That is de Fruits (Mango) Man. He get ketch without he pants. Some people does get ketch wid dem pants down. He get ketch even without Bukta.
Dem boys seh that fuh buying out all of dem de Big Man deserve a medal and Burnham, de Kabaka, got de medal waiting fuh mek de presentation. Dem boys peep Burnham card.
Dem boys seh that Sharma deserve a medal too. But he got to collect he medal from Papa Cheddi.
And one thing, dem boys seh. Keep you eye open as big as possible; as wide as de Atlantic Ocean. Don’t get distracted. Sharma story is a distraction and people shouldn’t fall fuh that. De Big Man trying fuh pull wool over all awee eye. Don’t get stupid; don’t get bassody.
Is de deal of a lifetime he been planning. Is de hydro deal; not hydro-seed deal although de cost gun give all awee hydro seed—man, woman and pickney alike.
Is a good project. Dem boys like de idea. But…but…but…US$$$$ nuff hundred going in dem pocket. Dem done start wid Fip.
Talk half. Lef half.
October 2, 2011 | By KNews | Filed Under Dem Boys Seh, Features / Columnists, News
Source - Kaieteur News
Long time, since you blink was a protest. Everything was a street protest and de police had to deh walking wid de protesters all de time. Even Irfaat, Rob-Bert and de Big Man use to lock up. Dem was frighten.
Now is a different story. Dem boys can’t find anybody who can call a protest. Not even Freddie wha seh that he can’t talk wha he like can organize a protest.
Dem boys now know why. All de leaders of de protesters get buy out just like how people does buy bora and ochro in de market. Every jack man have a price, and de Big Man know all of dem price and he pay it.
Carvil was de cheapest. He get buy out fuh li’l or nutten. Car-Bin get buy out too. De day he get sick and de Big Man pay fuh he fly to de States was de beginning. Then de Big Man pass legislation in Parliament fuh he get a good pension.
Dem boys stand up and see Ministry vehicle pulling up and off load at he house. Dem boys seh that people should see wha does offload.
Back Kah, like de Kabaka, get thief out. She was cheap too. De other one who get buy out, get ketch. That is de Fruits (Mango) Man. He get ketch without he pants. Some people does get ketch wid dem pants down. He get ketch even without Bukta.
Dem boys seh that fuh buying out all of dem de Big Man deserve a medal and Burnham, de Kabaka, got de medal waiting fuh mek de presentation. Dem boys peep Burnham card.
Dem boys seh that Sharma deserve a medal too. But he got to collect he medal from Papa Cheddi.
And one thing, dem boys seh. Keep you eye open as big as possible; as wide as de Atlantic Ocean. Don’t get distracted. Sharma story is a distraction and people shouldn’t fall fuh that. De Big Man trying fuh pull wool over all awee eye. Don’t get stupid; don’t get bassody.
Is de deal of a lifetime he been planning. Is de hydro deal; not hydro-seed deal although de cost gun give all awee hydro seed—man, woman and pickney alike.
Is a good project. Dem boys like de idea. But…but…but…US$$$$ nuff hundred going in dem pocket. Dem done start wid Fip.
Talk half. Lef half.