Dem boys seh…De Marriott is a big washing machine fuh de Bees
November 23, 2011 | By KNews | Filed Under Dem Boys Seh, Features / Columnists, News
Sourc - Kaieteur News
De government building hotels and they got to know something that nobody ain’t know. Everybody else selling out dem hotel. De foreign people sell out Pegasus; Zoom Inn sell out, Zoom Out sell out too.
Fall Out, Fall Inn, Jump Inn, and Jump Out now for sale. But de government jumping in. Dem boys want to know why. Of course, de same government did want to buy Pegasus. Dem wake up de Waterfalls Boss Man fuh tell he that he should print de story how de Pegasus boss man run and buy de hotel after he rob de government.
But something strange happening. Buddy’s build Princess Hotel wid 250 rooms fuh US$13 million. De government building Marriott wid 190 rooms fuh four times that amount—US$51 million.
Dem boys want fuh know how come whatever de government do is so high price. Dem think de Marriott skin dem up and expose the fact that somebody really thiefing.
That is why dem boys think that de hotel is a big washing machine fuh get rid of some of de money that some people got in oil drum and in barrel and in dem hole in de backyard.
And de government shame. Apart from Republic Bank dem ain’t naming no other partner. Dem boys asking all de time but dem ain’t getting answer. And is not that dem boys don’t know. Dem know de set that was willing to buy de Pegasus. Is de same set putting dem money in de Marriott. De Bees—all de Bees.
Talk half. Lef half.
November 23, 2011 | By KNews | Filed Under Dem Boys Seh, Features / Columnists, News
Sourc - Kaieteur News
De government building hotels and they got to know something that nobody ain’t know. Everybody else selling out dem hotel. De foreign people sell out Pegasus; Zoom Inn sell out, Zoom Out sell out too.
Fall Out, Fall Inn, Jump Inn, and Jump Out now for sale. But de government jumping in. Dem boys want to know why. Of course, de same government did want to buy Pegasus. Dem wake up de Waterfalls Boss Man fuh tell he that he should print de story how de Pegasus boss man run and buy de hotel after he rob de government.
But something strange happening. Buddy’s build Princess Hotel wid 250 rooms fuh US$13 million. De government building Marriott wid 190 rooms fuh four times that amount—US$51 million.
Dem boys want fuh know how come whatever de government do is so high price. Dem think de Marriott skin dem up and expose the fact that somebody really thiefing.
That is why dem boys think that de hotel is a big washing machine fuh get rid of some of de money that some people got in oil drum and in barrel and in dem hole in de backyard.
And de government shame. Apart from Republic Bank dem ain’t naming no other partner. Dem boys asking all de time but dem ain’t getting answer. And is not that dem boys don’t know. Dem know de set that was willing to buy de Pegasus. Is de same set putting dem money in de Marriott. De Bees—all de Bees.
Talk half. Lef half.